飛馬後防不穩 主攻踢法可解決

守拙 於 24/07/2018 發表 收藏文章

港超球隊最近輪流公佈自己嘅陣容,最新嘅就係香港飛馬喇。淨講主力,香港飛馬其實只係失去咗袁皓俊、方柏倫同梁諾恆三人,亦簽咗祖連奴、劉智樂、佐佐木周、積斯利、張國明呢啲球員補強,計埋本身留隊嘅利馬、胡晉銘、麥保美、艾華、查維斯,中前場都幾豪華,板凳深度同傑志有得揮吓,前場火力嘅強大亦無需質疑,亦都幾大機會維持4231嘅打法,4231嘅231都有保證。

但係你就會發現飛馬後防人腳無論質素同數量都好令球迷驚嚇。先講龍門就只有表現一向一般嘅梁興傑同埋本身已經收山嘅張春暉。梁興傑初出道表現的確出色,但係自從去咗南華之後表現每況愈下,上季最尾兩場聯賽就更加佢連續嘅企位失誤導致球隊失波而輸波,直接將亞協資格送俾大埔。繼續用佢等於虐待球迷,張春暉又已經引退多年,狀態成疑。龍門位置已經令球迷擾心,閘位同中堅位一樣得人驚。正式嘅中堅就只有羅斯同張志勇,兩位閒時都犯下錯,而兩個有乜傷停就起用打開前面嘅陳七打,……閘位方面亦只有張國明、羅曉聰同積斯利三人,而三人過去一季都表現相當一般,總之成個後防都俾唔到信心人。

上身重而下身輕,有豪華中前場,但係又有個弱雞後場。最佳解決方法就係打主攻,減輕後防壓力。咁嘅前場好大可能可以以主攻嘅打法解決到大部份球隊,但係對東方傑志有個咁嘅後防打防反就輸硬,鬥攻就可能有價講嘅。

留言


請按此登錄後留言。未成為會員? 立即註冊
    快捷鍵:←
    快捷鍵:→