連迪路夫好波！

上季由賓菲加轉投曼聯嘅連迪路夫唔知係咪未適應到英超嘅節奏，加上處子戰上陣無耐就出現嚴重失誤而失去咗信心咁，一直表現患得患失，耐唔耐就犯下錯，成日俾球迷成為恥笑對象。
黎到今季，連迪路夫意外哋壓倒拜利成為正選中堅。只係球季一開始嗰幾場，佢仍然有唔少嘅失誤，令球迷對管理層夏天未有買新中堅非常唔滿意！不過似乎連迪路夫已經逐漸適應下黎，表現開始有好轉。

面對祖雲達斯嘅歐聯比賽，佢一次又一次成功阻止對方嘅來襲，幫球隊清咗唔少波，成為咗佢嘅翻身戰。可惜馬迪走甩人俾戴巴拿射入奠勝球，最終比賽僅僅輸一球。雖然比賽輸咗，但係不斷嘅成功攔截同解圍就似乎增強咗連迪路夫嘅信心。佢嘅良好表現得到延續！啱啱對愛華頓嘅比賽又再次展出強勁嘅表現，有超過85%嘅傳球成功率、3次成功攔截、2次成功封阻，數據上定球場表現上都比之前好得多。對面戰頭李察里臣根本無辦法過到去，可惜普巴嘅犯錯又令球隊無咗張 clean sheet 。
連迪路夫嘅表現亦獲得摩連奴讚賞:「
他正喺度變得更加好，他可以好好咁閱讀比賽，他嘅速度亦都好快。他身體條件唔係好，但是佢開始適應不同的比賽風格時，他可能會變得更強。佢呢種球員喺第二季，只會係一個更好嘅球員。」

或者連迪路夫就証明咗，一個球員有信心同無信心可以差好遠。