專訪台北紅獅的馬達 Philip Marda |寶島足球故事|守拙

守拙 於 29/06/2019 發表 收藏文章

大家平時聽得「馬達」呢個兩個字,就多數都係睇英超球隊曼聯比賽嗰陣聽到。不過今日我哋並唔係準備大家熟悉嗰位馬達,而喺邀請咗台企甲球隊台北紅獅嘅菲獵馬達 Philip Marda,佢喺一個瑞士球員 ,以下就係佢嘅足球故事。
到台灣為學中文 意外發展成球員

雖然Marda而家係台企甲球員,不過原來佢並唔係為咗踢波而去台灣。「我需要好誠實話你知黎台灣係為咗學中文,唔喺踢波,我喺台北國立大學讀嘅……不過有偶然機會可以踢波之下,我就上季開始喺皇家蔚藍踢波,今季就去咗台北紅獅。可以話足球係對我嚟講越黎越重要。」

準備回國 延續足球夢

Marda 七月就會要番瑞士,佢有乜打算呢?「因為我喺呢面已經完成哂啲課程,我一定要番瑞士。我會喺瑞士揾一支球隊,延續我嘅足球夢。不過係邊一支呢,暫時仍然未能夠確認。」

不難融入台灣 愛到處旅遊

咁Marda啱啱黎台灣嗰陣,又適唔適應到呢?「我完全無適應問題,我覺得住喺台灣好舒服,又玩過唔少amazing嘅嘢。唔適應?我一啲都無!
我黎台灣之前去過香港、上海、新加玻、菲律賓生活,我到處生活係想感受唔同文化,又可以學到唔少嘅嘢,例如係語言,係一件好正嘅事。或者同我父母黎自唔同國家,自小就一直俾人灌輸兩種唔同文化,加上瑞士又係一個國際化嘅地方,令我想出去探索更多。住喺台北好好,有唔少河、海、野生動物,好好嘅生活環境!台灣人都好友善、大家都好互相尊重,同喺外國好唔同。」

每日都練波讀書

可能大家會有興趣知道 Marda 平時每日會點渡過,佢就話基本上都係練波讀書。「我每日就上堂、做功課、練波,已經佔咗生活好多時間,每日都真係幾忙㗎!」

飲食文化大不同

Marda 覺得台灣飲食文化同瑞士嘅好唔同。「喺台灣有好多餐廳,餐餐都可以約朋友出去食飯,好社交化。喺瑞士,根本好少會咁做,除非你有好重要嘅約會或者工作上嘅應酬。呢度人與人之間,close好多。」

台北紅獅來自世界各地 難溝通但難阻合作

台北紅獅球員黎自世界各地,有冇阻礙到佢哋踢波?「我地有翻譯員,同樣教練雖然係外國人,但係佢識中文。溝通上黎可能有困難,日子耐咗,大家熟絡咗,合作起黎冇乜問題。」

台北紅獅換教練 重回正軌

台北紅獅開季戰績平平,最近仲換咗新教練,Marda又點睇?「舊教練好有諗頭,但係可惜佢嘅戰術風格有啲唔合適球隊喺台企甲征戰。我哋換咗新教練,佢存有信心,球隊有新氣象,頭兩場都維持不敗,一切去梗好嗰喕發展!」

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Stevengngng
    Stevengngng 於 04/07/2019 評論 NO. 1

    台灣最好飲係台妹

快捷鍵:←
快捷鍵:→