如果猶戴十字路口再選擇

守拙 於 17/03/2022 發表 收藏文章

「猶戴」戴偉浚先棄港歸中,令所有香港球迷憎咗佢;而家佢又喺中國唔識趣去足協追討欠薪,得罪中國啲大老闆,又俾中國媒體扣上「忘恩負義」帽子。之前一時得意,猶戴而家到頭黎,兩頭唔到岸,仲要俾人拖過百萬糧,真係揾黎搞。如果命運能選擇...猶戴仲會棄港歸中嗎?


先番去由受香港球迷擁戴嘅戴偉浚,一夜之間搖身一變成為猶戴嘅關鍵時間點:受時任港隊主教練加利韋特徵召嘅佢,聲稱因傷要缺席未能報到,然後轉過頭就走去參加中國U23訓練。呢一個決定真係賤格到無倫,想踢中國隊咪出聲囉!做乜要欺騙教練同球迷呢?做乜要咁鬼鼠作藉口呢?今次又係想追討欠薪,球會唔知情下,就粒聲唔出就走去告球會,點解唔溝通下先呢?由此可見到佢人格有幾悲賤。


其實呢個賤格自私鬼,當初有另一個抉擇,就係繼續做香港山塞王。只要佢唔離香港人而去,以香港人嘅功利主義、偶像崇拜風氣,佢喺香港絕對會繼續俾人當神咁拜。睇番佢仲踢梗貝利嗰陣就知。每次貝利一有比賽香港網民就走去轟炸球會社交媒體,傳一兩腳波又可以俾人吹奏……


可以想像得到如果佢當初選擇代表香港隊,又繼續喺歐洲二三線聯賽踢下。只要佢踢港隊唔太差,喺歐洲嗰面只要唔係好似歐沖咁完全無出場,間中有啲出場機會,相信佢嘅名聲會比任何一個香港球員大。一個唔覺意喺香港隊對啲巴林、越南同泰國呢類有番咁上下嘅對手入波,仲可以成為香港隊英雄,要做主角真係容乜易。反而而家喺中國,同你差唔多實力嘅球員大把,就算對越南同泰國入波都未必會俾人讚。要上位做主角難過登天。搞下搞下,猶戴喺上面俾人拖人工過百萬,又要俾中國傳媒批評,喺香港又神憎鬼厭,唔知佢有冇後悔當初選擇呢?

留言


請按此登錄後留言。未成為會員? 立即註冊
    快捷鍵:←
    快捷鍵:→