前元朗球員今任警察 訪問內容惹前隊友兼球迷不滿?|港足話題|守拙

守拙 於 08/10/2019 發表 收藏文章

香港近期事態多多,基於安全理由,導致港超唔少比賽延期,咁香港足球方面新聞就無乜,本來就無話題值得討論。至不過突然香港球迷都好熱烈咁討論一個踢梗南華嘅甲組業餘球員,嗰個球員就叫做葉頌朗,佢目前正職係個警察。

其實葉頌朗本來係個職業球員,曾經效力過傑志、流浪同埋元朗呢啲職業球隊,亦試過幫香港代表隊上陣。喺2017/18球季葉頌朗隨元朗捧起銀牌冠軍,之後季尾就高掛球靴,轉行做警察。

突然喺球迷之間不斷討論葉頌朗嘅源頭係因為條友走去中央電視台做訪問,喺訪問入面佢表示以前踢職業波可以代表香港係一件很驕傲嘅事,而家加入警隊,仍然有呢種感覺,又話就算現時加入警隊遇上目前困局,亦係完全沒有後悔。

訪問散播開去之後回響好大,連前隊友顏樂楓都喺社交網站出動態唔開名地表示同佢割蓆。事實上葉頌朗早前已經試過喺個人社交媒體度形容示威者「是一群趁機攪事的垃圾」、「唔配做香港人」,都惹過唔少球迷不滿。

首先我想講嘅係你踢港隊踢過幾多場啫?你連踢球會都好多時後備啦?講乜代表港隊呢?你連代表港隊十次八次都無!況且唔好將踢港隊同埋執行警察職務混為一談啦!你幫港隊踢波係代表梗成個香港,你上到球場就係要不惜一切、奮不顧身去踢場波,嘗試為港爭光,令香港人感到自豪。你執行警察職務就係要公平公正、不偏不倚咁維持治安。兩樣出發點唔同,點可以溝埋一齊講?況且你喺社交網站嘅言論已經顯示你對示威者有偏見,亦有違反政治中立嘅嫌疑,令人難以相信你會公正執法,你究竟有乜值得驕傲呢?

講返佢踢波嗰陣,佢係一個好上腳嘅球員,成個普巴咁,成日唔即刻傳波,拖慢哂球隊攻勢㗎!佢根本就未夠班踢港隊,只係港超中下游貨色。踢極都踢唔起咪貪警察份人工高轉行囉!真係為理想咩?一個錢字咋嘛!踢到30歲都無就退休,好波得去邊呀?出黎訪問咪博俾人插。哂氣!

今次我真係有啲嬲,語氣重咗啲,對唔住各位讀者。不過提提大家,下場南華港甲賽事會喺10月13號香港時間晏晝1:30面對高力北區,比賽喺跑馬地一號舉行。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Stevengngng
    Stevengngng 於 08/10/2019 評論 NO. 1

    你又代表過幾多場入過幾多次場撐港隊阿

  • Patrickewell
    Patrickewell 於 08/10/2019 評論 NO. 2

    係勁就唔洗三十未夠就收皮啦!無料扮四條,返大陸扮小丑

  • Stevengngng
    Stevengngng 於 08/10/2019 評論 NO. 3

    人地就係知自己有幾多斤兩先轉行 為自己既人生負責

  • 徐定富等你
    徐定富等你 於 10/10/2019 評論 NO. 4

    同意樓上 毅進仔嘅斤兩只可以做黑警 黑警出賣良心人工可以高一截 絕對係對自己人生負責

  • Stevengngng
    Stevengngng 於 10/10/2019 評論 NO. 5

    不知幾多u grad爭住做老散

  • 台灣約妹+dd1346
    台灣約妹+dd1346 於 22/10/2019 評論 NO. 6

    加油 做自己

快捷鍵:←
快捷鍵:→