英超升班馬|老牌球會賓福特重回頂級聯賽 關於蜜蜂兵團的二三事

球場說書人 於 04/10/2021 發表 收藏文章
剛過去周日英超賽事,賓福特作客以2-1勝韋斯咸。今屆升班嘅蜜蜂兵團總括7戰係3勝3和1負,當中最為人津津樂道就係主場2-0贏阿仙奴,同埋3-3迫和利物浦,令到唔少人都想知呢隻「升班馬」有咩來頭。

賓福特成立於1889年,以紅白色同「蜜蜂」作為標誌,現時球場係容納到過17,000人嘅賓福特社區球場(Brentford Community Stadium),而前身就係1904年開始沿用、2020年停用嘅格芬公園球場,絕對係英國倫敦老牌球會。


喺1934-1935年球季,賓福特奪得乙組聯賽冠軍,直到1946-1947球季,最後一場比實對疊阿仙奴,以1-0落敗、跌落乙組聯賽,及後一直浮浮沉沉,更試過跌落丁組。

去到近年2019-2020年球季,賓福特奪得英冠第三位,附加賽雖然贏過史雲斯,但及後負於富咸,飲恨於英冠。不過2020-2021年,同樣排第三打附加賽,打敗般尼茅夫,亦再次擊到史雲斯,順利升班至英超,因此之後第一場英超贏阿仙奴不但係代表第一場英超勝仗,更係一雪70多年之恥。


賓福特以主攻打法為主,去季英冠足足攻入79球,領隊法蘭克更揚言要「強攻英超」,由3-3戰和利物浦就可見一斑。


不過,當升班馬到埗英超總會令人眼前一亮,去屆列斯聯就是最好的例子,而正所謂「創業容易,守業難」,始終要保持到每場表現,才可以立足於英超又或者避免降班,所以蜜蜂兵團能否繼續衝擊,仍有待時間證明。
標籤: 英超  賓福特  阿仙奴  升班馬  

留言


請按此登錄後留言。未成為會員? 立即註冊
    快捷鍵:←
    快捷鍵:→