安東尼哥頓賽後言論惹火：輸給「唔係幾好」的對手令人沮喪！

在周日（3月22日）於聖占士公園球場上演的泰恩威爾打吡中，紐卡素翼鋒安東尼哥頓（Anthony Gordon）雖然在開賽十分鐘便為球隊先開紀錄，但最終喜鵲仍以1比2不敵新特蘭。賽後，哥頓的言論被指對對手欠缺尊重。


這場敗仗令新特蘭在積分榜上以11位反超跌至12位的紐卡素，後者尚餘七場英超賽事。對於紐卡素而言，這無疑是艱難的一週，他們在周三（3月18日）的歐聯十六強次回合以2比7（總比數3比8）慘敗予巴塞隆拿出局。

賽後接受球會媒體訪問時，安東尼哥頓承認輸給同區死敵是「唔夠好」，但同時堅持認為，與紐卡素相比，新特蘭「唔係一支幾好的球隊」。

「可能仲差過作客輸波，」他在分析賽果時說。「我覺得我哋輸波嘅方式，領先一球之後——我覺得佢哋（新特蘭）真係踢得幾差。我哋畀佢哋返入比賽，仲送咗場勝仗畀佢哋。最令人沮喪嘅係，以我嘅睇法，同我哋相比，佢哋唔係一支幾好嘅球隊。我哋唔應該輸畀佢哋。」
「作客會難踢啲，因為佢哋有自己嘅球迷、有氣氛同埋多啲壓力，但係主場作賽，我哋唔應該輸呢場波——尤其係考慮到我哋上半場嘅表現。我哋下半場開局一直都唔夠好，呢個係一個持續嘅問題。」



哥頓續指：「足球就係咁。最重要嘅永遠係下一場比賽。呢段時間賽程好密集，但呢場敗仗對我哋同球迷嚟講，要好長時間先可以釋懷，因為冇嘢可以彌補到。」
在三月國際賽期後，紐卡素將於4月12日作客水晶宮。哥頓預計會入選英格蘭大軍，出戰對日本及烏拉圭的友誼賽。同日，新特蘭則會在主場迎戰護級分子熱刺。