鄧肯費格遜自爆當年拒絕與碧咸握手:我真係好戇居!

球場新聞 於 1 天前發表 收藏文章
英超著名「硬漢」、前愛華頓前鋒鄧肯費格遜(Duncan Ferguson)近日在播客節目中自爆職業生涯一樁趣事,透露自己曾拒絕與英格蘭傳奇球星碧咸(David Beckham)握手,如今回想起來直呼「好戇居」。


現年53歲的鄧肯費格遜在球員時代以兇悍著稱,曾效力愛華頓和紐卡素。他在《Peter Crouch Podcast》節目中回憶道:「碧咸?我冇同佢握手。佢走過嚟,我就講『走開啦』。佢係傳奇球星,我連幫佢綁鞋帶都唔配。」

loading

鄧肯費格遜向《鏡報》進一步解釋當年行為:「比賽完場哨聲一響,我就直接走人,唔會同任何人接觸。可能係想營造一種『硬漢』形象,等其他人覺得『唔好接近鄧肯費格遜,佢會打低你』。而家諗返轉頭,我真係好戇居!」


這位蘇格蘭前鋒更自嘲道:「我應該扯爛佢件波衫留俾個仔做紀念先啱!我個仔係C朗(Cristiano Ronaldo)粉絲,但我連同C朗握手都冇。碧咸,對唔住啦...雖然佢根本唔會在意呢啲小事!」

鄧肯費格遜的硬漢作風在英超廣為人知,連堅尼(Roy Keane)、魯杜克(Neil Ruddock)等著名「惡人」都曾與他交鋒。如今退役多年的他,終於展現出幽默自嘲的一面。
標籤: 鄧肯費格遜  碧咸  英超  

留言


請按此登錄後留言。未成為會員? 立即註冊
    快捷鍵:←
    快捷鍵:→