【考古】百看不厭！貝碧托夫輕舉長腿，瀟灑控定史高斯中腰傳球！

「瀟灑哥」貝碧托夫（Dimitar Berbatov）嘅控球，相信就算唔係曼聯球迷都會鐘意睇，因為佢個種瀟灑得嚟帶點不經意嘅控球技術真係百看不厭！

以下呢球，小編睇咗至少30次。當時貝碧托夫喺禁區接應史高斯中腰傳球，有踢過波嘅朋友都知呢啲來勢比較急嘅中腰波最難接，因為既唔可以心口控，又好難用大脾控，通常會用腳背控，但好難判斷落點，亦好容易會彈走個波，所以往往難度好高，但貝碧托夫就咁輕舉長腿，就將個波「痴」到實一實，認真厲害。