【考古】記得他踢過國米嗎？標誌性30多碼重炮罰球，曾踢前鋒7場入7球！

眾所周知，巴西傳奇左閘羅拔圖卡路士（Roberto Carlos）係皇家馬德里名宿，但佢踢皇馬前，曾經效力過意甲球會國際米蘭一年。卡路士仲曾經喺一次採訪中透露，佢當年只係用咗10分鐘就決定從國際米蘭加盟皇馬。

講起卡路士點可以唔講佢嘅重炮，其實佢喺效力國米嘅短短一年間，都射入過好靚嘅30多碼重炮罰球：

咁點解喺國米踢得好地地，短短一年就離隊呢？原來同位置有關。卡路士解釋：「國米當年要我踢翼鋒甚至前鋒。我喺前7場比賽中攻入咗7球，所以佢哋就想我踢前鋒，但我喺嗰啲位好唔適應。我同主席講，我唔可以踢前鋒，因為美洲盃就嚟啦，我想踢返閘。有趣嘅係，當日我同前皇馬主席見面，我喺10分鐘內就決定離開國米，加盟皇馬。」

就係咁，本來可能係國米名宿，最後成為咗皇馬名宿。