曼聯名宿用數據說話:坦赫輸得仲多過蘇B喎!

球場新聞 於 12/05/2023 發表 收藏文章
自從坦赫接手曼聯後,好多球迷話見到紅魔復甦嘅希望,除咗攞咗等咗好多嘅冠軍,球員嘅精神面貌亦明顯不同,但曼聯名宿約基(Dwight Yorke)似乎唔係咁睇。


約基認為若單從英超聯賽嘅成績嚟睇,坦赫比唔上前領隊蘇斯克查:「身為曼聯主帥,小小嘅犯錯就會被放大,無處可逃。蘇斯克查執教曼聯兩個完整嘅球季,喺英超嘅成績都比坦赫好。」

的確,蘇斯克查喺曼聯執教咗兩完整嘅賽季,喺2019/20球季只輸8場,而在2020/21球季更加係只有6場敗仗。但今季喺坦赫嘅領軍下,曼聯已經喺英超輸咗9場波。

約基繼續話:「無錯,曼聯打入足總盃決賽,亦已經贏咗聯賽盃,喺歐霸亦有進步,但坦赫喺聯賽確實比蘇斯克查輸得多。今季很明顯仲未夠好,曼聯依家仲係為保住前4而努力,我唔知呢樣係咪就係球會想要嘅嘢。坦赫帶領球隊踢得好時要表揚,但表現差嘅時候,佢都應該要接受批評。」

當年蘇斯克查喺2021-22賽季嘅開季12場比賽中僅攞到17分後就被解僱,而當中最恥辱嘅賽事莫過於對利物浦輸0-5,同對屈福特 1-4 慘敗。
標籤: 約基  蘇B  蘇斯克查  Dwight Yorke  

留言


請按此登錄後留言。未成為會員? 立即註冊
    快捷鍵:←
    快捷鍵:→