不經不覺已33歲！昔日「西班牙美斯」宣佈退役

出生於1990年嘅昔日西班牙金童宣保贊（Bojan Krkic）即將宣佈退役。

早在2007年保贊就首次代表巴塞隆拿一線隊出場，2007/08賽季西甲上陣31場，有10球3助攻，比美斯細三歲嘅佢亦迅速被冠以「新美斯」嘅稱號。


但巴塞已經有美斯，位置與踢法都相似嘅保贊無可能取代到正牌美斯，於是喺2011年，亦即係只有21歲時，保贊就離開咗魯營球場，四處漂泊，先後效力過羅馬、AC米蘭、阿積士、史篤城、緬恩斯等球會，2019年離開歐洲去美職踢波，2021年更遠赴日本加盟神戶勝利船，直到年初先同球隊解約。

保贊早年一共代表西班牙U17國家隊出場20次射入6球，但喺大國腳層面只有1次出場，就係2008年9月，西班牙對陣亞美尼亞嘅世界盃預賽，保贊後備入替咗35分鐘。