另類英雄！辛祖一腳射門送對方3張紅牌 + 罰12碼

英格蘭足總盃8強，曼聯主場3:1反勝富咸。呢場波，曼聯可以話係靠辛祖一人之力！點解咁講呢？

兩隊半場互無紀錄，之後作客嘅富咸喺第50分鐘憑米特羅域破門領先1-0。之後曼聯喺一次反擊中，安東尼美妙斜直線交俾辛祖，後者先冷靜扭過龍門，再施射，但由於有啲猶豫，對方前車路士球員韋利安趕到門前，擋出呢球射門。不過辛祖錯有錯著，佢嘅射門似乎省到對方手臂。



球證之後用VAR檢視有無犯規，最後認為韋利安犯手球被罰離場加判罰一個12碼。儘管韋利安試圖辯解佢嘅手臂放喺合理嘅位置上，但回放顯示佢稍微郁咗下手臂，將辛祖嘅射門變成角球。


之後，米祖域因為對裁判抗議並碰撞裁判而被罰離場，呢張係富咸比賽中嘅第二張紅牌。而第三張紅牌就係俾咗富咸主教練馬高施華，因為佢對裁判嘅決定表示抗議。儘管對富咸嚟講，呢啲決定有啲苛刻，但判決亦算係正確。賽後，足總更表示可能會對米祖域進一步採取行動，因為佢對球證郁咗手。最後，呢位塞爾維亞球員花咗好長一段時間先冷靜落嚟離開球場。
呢件事成為比賽嘅轉捩點，最後人多蝦人少嘅曼聯逆轉比賽，晉身四強。