【考古】一場入5球濕濕碎！夏蘭特世青賽單場轟9球

「魔人布歐」夏蘭特日前喺歐聯賽場對RB萊比錫，單場射入5球，震撼整個球壇。不過呢個並不是夏蘭特嘅單場入球紀錄，佢曾經試過單場轟9球！

2019年5月嘅世青賽，挪威12：0狂勝宏都拉斯，當時18歲，仲喺薩爾斯堡紅牛踢波嘅夏蘭特單場射入9球，真係令人瞠目結舌。雖然對手實力與歐聯對手無得比，但挪威也並不是曼城，而且單場入9球，點講都係一個好痴線嘅紀錄！