求勝心不減！快速反擊被吹停，C朗大發雷霆食牌！

沙特國王杯8強，艾納斯主場對陣艾卜哈，以3-1勝出。葡萄牙球王C朗拿度加盟後，各項賽事對上8場已經入咗8球，不過，佢近來遇到入球荒，連同呢一場，C朗已經累計連續三場無波入，所以佢本人都好心急想入波。

雖然上半場艾納斯已經領先2-0，但完半場前就發生咗一段小插曲。上半場補時第3分鐘，C朗帶波準備反擊，但球證突然吹響半場結束嘅哨音，很不是味兒嘅C朗於是拾起地上嘅波，憤怒地大腳踢走，結果換嚟一張黃牌警告。



最終無入波又食牌嘅C朗亦未有踢完全場，臨完場前被換走，當時仲念念有詞。