2026世盃大改革：亞洲8隊，48支球隊40日104場比賽 精選

2026年世界盃，將由美國、墨西哥、加拿大聯合舉辦。FIFA之前已經確認，2026世界盃將有48支參賽球隊，而且賽制亦有重大改制。《紐約時報》確認，國際足聯已發布賽事方案，內容同外界之前嘅預測有啲不同。

1998年-2022年世界盃，都係32隊參賽、總計64場比賽，周期大約係1個月。2026年世界盃擴軍到48隊，總場次達到104場（之前預測係80場），賽事喺美墨加16座城市打響，周期為40日。從小組賽打到決賽，一共要踢8場比賽，比32隊時代多踢1場。


《紐約時報》更指出，2026年世界盃嘅原方案，係48隊分為16個小組，每組3隊。不過專家組討論之後認為，每組3隊嘅分法不合理，有球隊踢兩場就被淘汰，參與感不強。最終，FIFA決定每組有4隊，咁嘅話，美加墨世界盃嘅48隊將分成12個小組，小組前2名，以及8個成績最好嘅小組第3，晉身32強淘汰賽。亦即係話，擴軍到48隊之後，多咗4個小組嘅比賽（共24場），以及32強（共16場），總共多出40場比賽。

而直接入決賽週嘅國家隊/代表隊將按以下方式進行劃分：

亞足聯(AFC) - 8個席位
非洲足球聯合會(CAF) - 9個席位

北美，中美洲和加勒比足球協會(CONCACAF) - 6個保證席位（包括所有3個主辦國）
南美足球聯盟(CONMEBOL) - 6個席位
大洋洲足球聯合會(OFC) -1個有保證嘅席位
歐洲足球協會聯盟(UEFA) - 16個席位

世界盃以4年為周期，《紐約時報》稱，美加墨世界盃周期，國際足聯嘅營收將達到110億美元（折合港幣850億），比卡塔爾世界盃週期多出近40億美元（折合港幣310億），創造歷史紀錄。

不過有球員就擔心，週期延長意味球員要踢更多嘅比賽，因疲勞而受傷嘅風險就大增。如何平息來自球會、球員工會嘅壓力，FIFA嘅解決方式係支付更高嘅補貼金。國際足聯將進行商討，研究合理嘅補貼方式。