C朗成最大贏家！有錢、有地位、有波入、仲有獎牌？

C.朗拿度季初同曼聯鬧不和，之後高薪加盟沙特球會艾納斯，雖然開初有啲唔適應，但好快已經展現實力，喺艾納沙踢到風山水起，入球不斷，更接連有大三元演出，成為沙特球迷嘅寵兒。而曼聯亦喺佢離開之後，越踢越好，仲贏埋六年來第一個獎盃，可謂締造咗一個雙贏局面。


曼聯贏波之後，大家仲好關心C朗，《鏡報》同《曼徹斯特晚報》就報道，原來曼聯可自行決定是否俾C朗獎牌。

根據規則：賽事委員會需向決賽兩隊各發放30塊獎牌，亦可同意發放額外嘅獎牌，但需要球會自行承擔費用。

雖然C朗無喺聯賽盃中出場，但依然可以獲得獎牌。曼聯隊中只有27名參賽球員，球會若決定給C朗獎牌，無需另申請。

有球迷就講笑話，C朗的確係最大功臣（指若非佢離隊，球會要處理好多內部問題。），所以理應有獎牌，明顯有挖苦之嫌。
咁究竟曼聯會唔會俾C朗金牌呢？而C朗又會唔會要呢？