打服利迷！助攻+搶波+過人+長奔，37歲摩迪換出時獲5萬晏菲路觀眾起立致敬！

皇馬中場三劍俠，卡斯米路已經闖蕩英倫，卻奧斯腸胃炎初愈，身體欠佳，今場歐聯對利物浦嘅大戰只有37歲嘅摩迪支撐。而佢身邊換成華維迪、卡馬文加兩名年輕球員，但論活力、衝勁同體能，「魔笛」絲毫不遜色於年輕人。

比賽嘅67分鐘就係摩迪整場比場嘅縮影：當時利物浦進攻，法賓奴控球組織，但摩迪眼眼腳快，撲上去搶咗法賓奴嘅波，直線推進，紅軍中場新星，18歲嘅巴錫迪又拉又撞都攔截唔住，結果摩迪狂奔30碼之後，觀察到前線兩名隊友嘅交叉跑位，傳球大師立馬送上一記美妙傳送俾雲尼斯奧斯，後者再助攻賓施馬入波。

37歲嘅摩迪中場鎮定自若，平靜中蘊含殺機，節奏控制一流，把進攻疏理得行雲流水！佢喺第87分鐘被換出時，晏菲路球場嘅5萬觀眾，紛紛起位鼓掌，向呢位中場大師致敬！