致敬卡利奧斯？高圖爾斯、艾利臣禮尚往來，雙雙現低級失誤！

落後利物浦兩球，然後連入五球反勝？世上可以做到嘅球隊，相信可能只有皇家馬德里，而皇馬亦可能已經成為利物浦同高普一世嘅陰影了。不過今仗波最搶戲嘅唔係入波嘅球員，而係兩隊嘅守門員，高圖爾斯同艾利臣。

開場僅4分鐘，沙拿勍助攻紐尼斯先開記錄，利物浦早早就1-0領先，利物浦開咗個好局。之後去到第14分鐘，高圖爾斯竟然控球失誤，論論盡盡送大禮，沙拿一個唔該就笑納大禮，利物浦取得2-0嘅夢幻開局。


第21分鐘，賓施馬助攻，雲尼斯奧斯禁區左側兜射死角破門，皇馬扳回一城，仍然落後1-2。然後，奇怪事情又再次發生，第36分鐘，艾利臣接應回傳想大腳開出時省到雲尼斯奧斯嘅身反彈入網，皇馬半場扳平2-2。


其後，皇馬就無俾到機會紅軍，結果作客大勝5-2。一場波，兩個頂級門將先後失誤，真係罕見。所以話，呢幾年利皇對戰必定有話題。