大哨影子！麥巴比暴力衝破「三文治」夾擊，更令對手拉傷離場！

當今球壇兩大天之驕子，一個係曼城嘅夏蘭特，另一個就係PSG嘅麥巴比，兩人有點當年美斯C朗競爭嘅味道。雖然麥巴比場外風評一般，但有一說一，佢嘅球技的確係同齡人中數一數二，昨夜一個入球就充分體現出嚟，小編甚至覺得，佢呢個入波有多少當年巴西球王大哨朗拿度嘅影子。

法甲第24輪，PSG主場迎戰里爾。第11分鐘，尼馬傳波，麥巴比高速插上，禁區左側攞波，面對里爾兩名守衛，麥巴比嘅突破唔講道理，硬生生從雙人包夾中殺出一條血路，面對門將麥巴比倒地掃射，個波通咗門將坑渠入網。

完整影片：
https://twitter.com/btsportfootball/status/1627281709954736128
https://twitter.com/RSharmzz/status/1627381012891148288

麥巴比呢個入波，充分展現咗自己殘暴嘅個人能力。里爾兩名後衛連拉帶拽都擋唔住麥巴比嘅沖擊。麥巴比就好似一架重型坦克，唔講技巧、技術，就係憑住身體爆發力完全碾壓對手。更絕嘅係，里爾嘅中堅試圖鏟波攔截麥巴比嘅射門，結果，該名39歲嘅葡萄牙老將拉傷大腿無法繼續比賽……

呢球係麥巴比今季法甲射入嘅第14球。其實麥巴比只係剛剛傷愈復出，但估唔到一回歸球場就展現出霸道、殘暴嘅統治力同沖擊力，今小編不禁諗起大哨朗拿度，唔知你哋都無呢個同感呢？