教阿迪達上一課！哥迪奧拿放棄自己最強一環，打到阿仙奴措手不及！

英超爭冠之戰打響，榜首球隊阿仙奴坐鎮主場迎戰排喺第二名嘅曼城。經過90分鐘嘅激戰，曼城最終客場以3-1技術性擊倒阿仙奴，多打一場嘅藍月軍團以凈勝球嘅優勢登頂。呢場比賽中，徒弟阿迪達可以話係完敗於哥迪奧拿。


眾所周知，阿迪達曾喺曼城做過助教，係哥迪奧拿嘅「徒弟」。今日，阿迪達非常想贏波，佢好想用呢場師徒之戰來正名。所以比賽一開始，阿仙奴就好快佔據咗主動，控球率同射門次數都優於曼城。

如果你喺本場比賽之前睇過一啲賽事前瞻，就會知道曼城已經喺英超取得對陣阿仙奴10連勝，2019年以來兩隊7次交鋒阿仙奴全敗，並且失咗足足18球。顯然，哥迪奧拿似乎亦知道徒弟仔嘅心理，既然你咁想嬴，咁我就輸下，無錯，輸下控球權，等你以為係你掌控緊比賽。

我哋以往睇到曼城嘅比賽，即使係遇到麻煩，也大概率係以控球主導。然而，今日好多一覺醒來嘅球迷卻會見到一個神奇嘅數據——今場比賽，曼城控球率只有36%，係哥迪奧拿英超執教生涯嘅最低一次，你無睇錯，係最低嘅一次。
除咗控球，曼城今場比賽嘅成功傳球亦只有219次，同樣係哥帥英超生涯最低。放棄控球率嘅哥迪奧拿其實更為務實，亦更為可怕，佢喺防守端落足咗功夫，因此阿仙奴空有64%嘅控球，佢哋全場竟然只有1次射正。

呢場比賽嘅失利令阿仙奴讓出榜首位置，而令槍迷更擔心嘅，阿仙奴過往幾個賽季，總會喺二三月份崩盤，難道今季開咗嘅靚頭都逃唔過呢個厄運？阿仙奴想奪冠，似乎亦要過到曼城呢座大山。