瀟灑！迪布尼不止腳下功夫厲害，連反應都是世界級！

由球場新聞於 16/02/2023 發表收藏文章

英超嘅榜首大戰，哥迪奧拿嘅曼城以3-1輕取徒弟阿迪達嘅阿仙奴，成功回到熟悉嘅位置。呢場波，曼城嘅功臣非迪布尼莫屬。

上半場開賽24分鐘，迪布尼就把握到對手富安健洋嘅失誤射成一比零。去到第81分鐘，迪布尼搵到最佳拍檔「布歐」夏蘭特，助攻後者射入今季個人聯賽第26球奠勝。

迪布尼腳下功夫有幾厲害，相信都唔使小編多講，不過估唔到嘅係佢連反應都是世界級！喺奠勝後被換出場時，迪尼布成為槍迷攻擊嘅目標，憤怒嘅阿仙奴球迷紛紛向佢投擲雜物，包括水樽，但迪布尼輕輕鬆鬆就避開咗。認真瀟灑！睇到其中一個擲中角球旗嘅水樽，力度唔細，如果被掟中，後果難料...