噩耗！年僅25歲守門員奮力救出12碼後猝死

球壇再傳出噩耗！比利時一名年僅25歲嘅守門員 Arne Espeel，喺奮力拯救出一球12碼後瞬間倒喺球場上，之後返魂乏術。

呢名門將喺效力於比利時西布拉班特二級聯賽球隊 Winkel Sport B，根據英國《衛報》嘅報導，喺對方獲得12碼之前，Winkel Sport B 以2比1領先 Westrozebeke，當 Arne Espeel 救出嗰球12碼之後就立即倒地。

在場嘅醫療人員試圖用除顫器令佢恢復心跳，之後將佢緊急送往醫院，然而，到達醫院後無耐就被宣佈死亡。


Winkel Sport B 喺悲劇發生後發表咗一份聲明，表示對 Arne Espeel 嘅突然死亡感到非常難過。

據《每日郵報》報道，球隊的助理 Stefaan Dewerchin 透露咗消息傳出後更衣室嘅悲痛。佢話：「真係可怕嘅一幕。事件發生後，所有球員一齊沖涼。當傳來我哋嘅門將已經死亡嘅消息時，對隊友係一個異常沉重嘅打擊。我諗一啲球員仍然未意識到到底發生咗咩事什麼。」

Arne Espeel 嘅死因目前尚未透露，但過去兩年，不少年輕運動員猝死卻是鐵一般嘅事實，有好多人已經意識多呢啲不尋常嘅突然死亡事件，並呼籲業界要查明真相。