態度正確！這說話令我第一次感受到麥佳亞有隊長風範

英超聯賽，曼聯以2-0擊敗列斯聯。賽後，重回正選嘅曼聯隊長麥佳亞接受天空體育採訪，而佢嘅一句說話令我第一次感受到麥佳亞有隊長風範！


被問到回到正選嘅感受，麥佳亞表示：「贏得比賽係最重要嘅。我係球隊嘅隊長，我將球隊放喺比自己重要得多嘅位置。無論我踢唔踢，我都希望球隊贏波，並且取得好成績，所以到目前為止，今個賽季係一個唔錯嘅賽季。」

「當然我哋仲需要取得好大嘅進步，前面亦有多場重要比賽等住我哋，不過好高興嚟到呢度，並且完成零封，取得勝利。對於球迷嚟講係好正嘅事。」

而對於嚟緊，自己會唔會繼續踢正選，麥佳亞平常心而不失信心表示：「我個人並不重要，重要嘅球隊要成功。顯然我希望成為其中嘅一分子，上場踢波，成為正選。我仍然會繼續努力爭取上場時間，每個球員都想成為主力，而當唔得嘅時候自然會失望，但你能做嘅就係繼續努力訓練，確保機會來嘅時候你已經做好準備！」
雖然有傳麥佳亞會喺今夏被清洗，但一日仲係曼聯隊長，麥佳亞依然非常專業。當初我哋唔明點解以麥佳亞嘅能力，佢可以成為隊長，或者以上訪問就係答案。