迪馬利亞：決賽見到自己的位置，我以為史卡朗尼搞錯了！

阿根廷奪得世界級冠軍，除咗美斯嘅出色發揮外，陣中「福將」迪馬利亞都功不可沒。最近，佢接受咗阿根廷媒體TyC嘅專訪，喺採訪中，34歲嘅「天使」回顧咗自己嘅世界盃之旅，並講到一開始以為教練搞錯咗。


主持問：決賽史卡朗尼決定要你打左路，你覺唔覺得意外？

迪馬利亞：我對於自己正選已經感到意外，更何況打左路。決賽之前嘅幾場淘汰賽，我無正選，而球隊嘅表現好穩定、好出色。但係，史卡朗尼喺決賽前決定再次信任我，俾我擔任正選。仲記得賽前訓練結束咗之後，佢話我知，嗰次訓練我表現很好。但當我見到自己被安排喺決賽陣容嘅左路時，我以為史卡朗尼搞錯咗。但隨後佢向我解釋原因，話嗰度係對手嘅軟肋，我喺左邊會踢得好開心，球隊亦會因為咁有所作為。

對於呢個決定，之前我哋無任何演練。賽前訓練演練嘅正選陣容總喺嗰幾個球員，當然史卡朗尼亦試過我幾次，但一如既往俾我打右路。喺罰球演練時，我同利辛度馬天尼斯輪流罰球。總之我以為決賽我一定無正選，但最終教練組嘅決定令我嚇咗一跳，不過呢啲就係佢哋擅長嘅嘢，佢哋每晼都睇錄影，清楚地知道對手嘅弱點係咩。呢個亦係我哋準備比賽嘅方式。
另外，主持亦問到迪馬利亞會否退出國家隊。

主持：會離開阿根廷隊嗎？

迪馬利亞：世界盃後我諗過呢個問題，但離開就意味住唔可以再同呢班隊友去享受比賽嘅樂趣。依家嘅我感覺良好，當我感覺無法再為球隊做出更多嘅時候，我自然會退出。但依家嘅我正在為下屆美洲盃而努力，我渴望繼續為阿根廷效力。