禁止打開潘朵拉魔盒！曼聯爭議球或令國際足協修改越位規則

據《太陽報》報道，喺曼市打吡嘅越位爭議入球後，國際足協或將對越位規則進行修改。

曼城對般奴扳平嘅入波被判有效感到生氣，原因係拉舒福特射處於越位位置迎個波，但主球證認為佢並無干擾到曼城嘅後衛，而呢個正正就係越位規則帶來嘅爭議之一。


而呢個入波亦令近期各界對越位嘅輿論升到一個前所未有嘅高度，搞到國際足協受到巨大嘅壓力。《太陽報》就指，國際足協決定於周三喺溫布萊球場開會，並希望會議可以傾到一啲確定嘅成果。一位不願透露姓名嘅內部人士承認，越位規則有一啲需要解決嘅灰色地帶，第一步係需要確定何為干擾，並提供具體嘅例子嚟說明。

上周六喺奧脫福嘅比賽中，拉舒福特明顯處於越位位置，但佢並無啲到個波，曼城嘅防守球員當時認為旁證會舉旗而無追，而結果我哋都知道了。

當時球證個決定係基於拉舒福特無掂到個波，但有唔少球迷認為就算佢無掂到個波，佢其實已經係嚴重干擾咗曼城，真係婆說婆有理，而呢個點就正正係越位嘅灰色地帶。有球證認為，如果曼聯呢球唔算越位，咁將來就有好多球隊會有樣學樣，所以呢個判決尤如打開咗「潘朵拉魔盒」，對日後嘅比賽有好大影響。
基於呢個原因，如果國際足協真係修改越位規則，小編亦覺得非常合理。