0.1秒差的巧合!球證果斷判罰12碼,但抗議的竟然是攻方?

球場新聞 於 09/01/2023 發表 收藏文章
巴西地區聯賽出現戲劇性嘅一幕。白色衫攻方球員接應球門球打反擊,結果成功殺入禁區笠射,同時被守門員撲倒。球證無第一時間判罰12碼,似乎係想俾得益,因為個波當時正向龍門方向彈緊,如果個波入咗就無必要12碼。

點知個波最後中柱彈出,於是球證第一時間好果斷咁判罰12碼,但佢點都估唔到,就喺佢吹哨後嘅0.1秒,個波擊中柱後反彈,後衛解圍唔到返自擺烏龍!

結果,白衫嘅攻方球員走嚟同球證理論,話個波入咗,唔使12碼,可惜球證心意已決,堅持12碼。

好好彩地攻方最後射入咗呢球12碼。你話如果無入……

loading

留言


請按此登錄後留言。未成為會員? 立即註冊
    快捷鍵:←
    快捷鍵:→