單換C朗？C朗轉戰艾納斯，反令陣中喀麥隆射手有機會加盟曼聯！

葡萄牙球星C.朗拿度（Cristiano Ronaldo）加盟艾納斯（Al-Nassr）之後引發世界各地球迷極大關注，不過佢到依家仲未代表過新東家出場。雖然C朗仍無法為艾納斯出戰，但球隊正處於連勝勢頭中，C朗喺包廂觀戰戰咗球隊2-0利取勝嘅賽事。沙特聯賽要求每隊最多只可以注冊8名外援，而每一場最多只可上陣7名外援，但眼下艾納斯隊內嘅外援注冊名額已經爆滿，因此暫時仲未可以幫C朗注冊，據悉球隊好可能送走隊內頂級前鋒阿布巴卡（Vincent Aboubakar），以騰出空位令C朗能夠順利注冊。

目前傳出阿布巴卡嘅下家包括有費倫巴治、阿聯酋嘅沙迦，以及C朗嘅舊東曼聯等。可能大家對呢個阿布巴卡唔係太熟悉，但佢其實係啱啱世界盃，喀麥隆陣中嘅皇牌前鋒，實力唔錯嘅，雖然今季佢喺艾納斯入波效率一般，但喺世界盃期間，阿布巴卡的發揮出色，射入兩球，當中更係一箭定江山，小組賽協助喀麥隆擊敗巴西。
值得一提嘅係，喺之前前嘅C朗亮相儀式期間，佢同阿布巴卡喺更衣室傾得好開心。

據沙特媒體 Okaz 報道，艾納斯已經同阿布巴卡達成一致，將其租借到歐洲球會，而其中報價就有來自英超豪門曼聯。曼聯依家處於連勝嘅勢頭，但佢哋仍然好積極引援，據聞阿布巴卡就是主帥坦赫其中一個引援目標，佢哋希望可以得到呢位喺世界盃期間表現出色嘅球員。
如果C朗嘅注冊令到阿布巴卡離開， 而阿布巴卡又真係加盟曼聯，有網民就講笑話呢單係嘢係阿布巴卡「單換C朗」。