求阿列沙巴拿加心理陰影面積！車仔門將眼白白望住個波在手邊溜過

昨晚英超賽事，曼城靠兩個後備兵馬列斯同基亞利殊，以1-0擊敗車路士，而呢球失波，車路士門將列沙巴拿加要負起好大責任。

呢位28歲嘅西班牙守門員，已經取代文迪成為藍軍嘅一號門將，可惜今場波嘅表現就被球迷批評得體無完膚。

車路士嘅呢球失波要由第63分鐘講起。當時基亞利殊左邊接應隊友傳送，然後佢傳出一球地波，呢球傳得唔算靚，因為球速唔快，而且太貼近龍門，車路士門將列沙巴拿加理應可以輕鬆阻止呢球傳波，然而奇怪嘅事情發生啦，雖然列沙巴拿加已經準備封鎖傳送路線，眼見佢伸隻手出去就可以接實個波，但佢竟然無出手接波，反而眼白白睇住個波喺手邊溜過，從而令後柱嘅馬列斯輕鬆破門。

影片：https://twitter.com/ManCityES/status/1611190439662477312

由於呢球低級錯誤，阿列沙巴拿加賽後迅速喺Twitter被球迷猛烈抨擊：

「點解基柏咁近都唔救？」

「如果我係基柏，我會簡單地嘗試伸直我隻手。」
「我唔知點解基柏由得個波喺身邊轆過。」

「恥辱！」

「令人震驚嘅守門員！！」

「請解釋！」