日本高川學園又嚟料！3個跪低 + 3個氹氹轉射罰球

日本高川學園高中足球隊經常都會用佢哋自己發明嘅技術來射罰球，今次佢哋就喺比賽施展新嘅罰球戰術。

今次嘅戰術係三名球員跪喺人牆前面，另外三個攻擊球員就喺個波旁邊手拉手氹氹轉，可惜最後一射射得太差。

雖然小編睇唔明今次戰術用意何在，但佢哋的確用過類似奇怪罰球戰術入過波。喺2021年，一個類似嘅戰術要成功得多，當時佢哋嘅一名球員喺禁區右邊開罰球，而禁區頂就有五名球員又係好似今次咁手拉手氹氹轉，之後突然四散衝入禁區，令到對手唔知要點跟，最後其中一個球員成功頂入罰球。