挪威除了夏蘭特還有他！擁上帝視角的奧迪加特：30碼超級直線 ＋ 禁區戲耍3後衛

一講挪威足球隊有咩人才，相信大家一定會諗到效力曼城嘅「入球機器」夏蘭特（Erling Haaland），但其實挪威除咗夏蘭特，仲有另一位天才球員，佢就係阿仙奴嘅皇馬舊將奧迪加特（Martin Ødegaard）。

1月1日凌晨，阿仙奴4-2擊敗白禮頓，喺英超積分榜上以7分領先，奪冠形勢一片大好。呢場比賽，槍手大腦奧迪加特嘅發揮非常出色，佢多次送出大師級嘅傳球，令人嘆為觀止。另外，佢自己亦射入一球，賽後眾望所歸當選為全場最佳。

24歲嘅奧迪加特年少成名，但喺迷失於西甲班霸皇家馬德里。但自2020年租借阿仙奴以來，奧迪加特漸漸兌現天賦。今季，奧迪加特更加係徹底開竅，帶領阿仙奴高歌猛進，更成為球隊隊長，深受主帥阿迪達信任。今日對陣白禮頓，奧迪加特就多次展現佢出色嘅指揮同閱讀球賽能力。
第21分鐘，奧迪加特就喺禁區展現佢出色嘅腳下功夫。當時奧迪加特面對3名防守球員，喺如此防守鐵陣下，呢位挪威天才藝高人膽大，佢左腳先拉一下個波，然後順勢送出一個非常完美嘅直線，呢腳傳波令場上嘅形勢豁然開朗，可惜隊友馬天尼利射球角度太窄，未能入波。

影片：
https://twitter.com/Sliwka1989/status/1609247428099670017
https://twitter.com/PunchDrunkAFC/status/1609431673057296385
https://twitter.com/adriananumba/status/1609252881865101312

下半場，奧迪加特終於成功送出助攻，而佢嘅呢腳傳波堪稱藝術品！第71分鐘，槍手後場搶到波後打快速反擊，奧迪加特後場接到隊友傳波。喺接波之前，佢就觀察到馬天尼利喺前場嘅位置，並好似已經諗好咗下一個動作。果不其然，奧迪加特不停球直接送出一腳將近30碼嘅長傳直線，徹底撕破了對方防線，今次馬天尼利無再浪費機會，單刀破門。
影片：
https://twitter.com/PLFrance_/status/1609264413613391872
https://twitter.com/anaxtaco/status/1609288098235518977

天空體育評論員盛說呢位挪威球員：「奧迪加特總係可以洞悉場上嘅形勢，佢簡直就係足球界嘅奧蘇利！好多人都睇唔到咁嘅傳波路線（指馬天尼利嗰球助攻）。佢可能喺場上唯一一個觀察到呢條傳波路線嘅隊員。迪布尼可以睇到呢個傳波路線，奧迪加特都可以睇到。英超之中，應該再無其他人睇到啦。」
除了不斷喂餅俾隊友，奧迪加特自己也有入波能力。比賽嘅第39分鐘，阿仙奴開出角球，白禮頓球員解圍不遠，腳風正順嘅奧迪加特迎波就射，對方門將毫無反應，目送個波入網。本賽季15場英超比賽中，奧迪加特已經射入7球，追平個人單賽季最好成績。

全場比賽，奧迪加特觸球46次、成功傳球28次、創造機會3次，呢3項數據都是係全場最高。最近3場英超，奧迪加特3入球3助攻，直接製造6個入波，認真犀利。