賓施馬宣佈退出國家隊!回顧法國神鋒禁區內扭過3人射入國際賽最後一球

球場新聞 於 20/12/2022 發表 收藏文章
法國前鋒賓施馬(Karim Benzema)喺法國隊決賽中遭遇失敗後僅一日就宣佈退出國家隊。

呢位應屆金球獎得主因為大腿受傷後錯過咗整個卡塔爾世界盃嘅比賽。之前有傳法國總統馬克龍出面邀請佢踢決賽,可惜最後賓施馬以「不感興趣」婉拒了。

雖然今屆世界盃決賽週賽事,賓施馬並無為國家隊踢過一分鐘,但佢退出國家隊嘅決定亦令唔少人感到惋惜。

佢係社交媒體嘅退隊宣言就話:「經過唔少努力同錯誤,才有今天嘅我,我為此感到驕傲!我已經寫下我同我哋嘅故事。我嘅故事已經寫好,而我哋故事到此為止了。」

loading


呢位皇馬前鋒喺法國隊嘅職業生涯可謂波瀾壯闊。佢係法國喺2014年世界盃上嘅最佳射手,但後來因為性愛錄像帶醜聞被放逐多年,結果令佢錯過咗法國喺2018年世界盃上嘅勝利。

佢後來被迪甘斯召回參加2020年歐洲盃,當年佢係球隊嘅最佳射手,可惜法國好快被踢出局。

本來呢位35歲嘅老將有望喺卡塔爾世界盃發揮關鍵作用,可惜又被傷病毀了。

無論如何,賓施馬雖然喺國家隊嘅成就唔大,但佢對法國嘅作用係不容置疑,佢喺97次出場比賽中射37球,結束了15年的國際賽生涯。我哋一齊嚟回顧一下佢喺法國隊嘅最後一個入球,呢個入球入得相當精彩:

loading

標籤: 賓施馬  

留言


請按此登錄後留言。未成為會員? 立即註冊
    快捷鍵:←
    快捷鍵:→