抽水抽著火水！愛爾蘭廉航連環 tweet 嘲笑英軍與簡尼，遭大批英迷聲討杯葛！

英格蘭喺世界盃八強遭上屆冠軍法國淘汰，再一次無緣問鼎世界冠軍。其中，英軍隊長哈利簡尼本來可以扳平嘅一球12碼「炒飛機」，成為球迷賽後討論重點。

愛爾蘭就有一間叫瑞安航空（Airline Ryanair）嘅廉航，就喺英軍傷口撒鹽，喺twitter連環出post，借機抽水，結果迅速成為熱話，並引起大批英格蘭球迷不滿，更揚言要杯葛佢！

瑞安航空嘅第一個 tweet 就以一張改圖，語帶相關，借英軍主帥修夫基（SouthGate）嘅名，大抽一番，指出：佢哋要返屋企啦#NothingToDeclare：

之後佢第二個 tweet 就串哈利簡尼「炒飛機」，個波仲差啲射中瑞安航空嘅飛機：

呢兩個 tweet 一出隨即引嚟英格蘭球迷不滿

有人就話：只想知道愛爾蘭喺世界盃上嘅表現又如何呢？

球迷B：此同時，愛爾蘭甚至都未起飛！

球迷C：咁只會令你失去好多客戶！

隨後大批英迷和應，指以後都唔會訂瑞安嘅機票。

我哋成日都話英國人好有幽默感，但似乎關係到佢哋國家榮辱嘅事情就玉皇大帝都無面俾。今次瑞安航空真係抽水抽著火水啦！