尼馬鼓勵洛迪高短訊曝光：我的職業生涯也犯過好多錯誤

巴西在互射12碼階段，遭克羅地亞淘汰出局，替巴西射第一球可惜宴客嘅洛迪高（Rodrygo）賽後非常自責，而陣中已是大哥嘅尼馬（Neymar）就以 whatsapp 安慰呢位後輩。


尼馬向洛迪高話：「我喺我嘅職業生涯中犯咗好多錯誤，我從呢啲錯誤身上學到好多，但我從來無放棄過，我一直喺度搵緊更好嘅自己，並喺各方面繼續完善自己。

「保持堅定，呢啲批評同壓力會令你變得強大，你會記得我今日同你講嘅嘢......

「我祝願你無論喺世界邊個角落都可以獲得成功。斷開呢幾日嘅聯繫，休息一下再返嚟！我喺呢度為你提供任何你需要嘅服務。你需要咩嘢，我就就呢度，我們一齊努力。」

另外，尼馬亦有向其他隊友發短訊鼓勵。不得不說，尼馬呢位曾經被球迷討厭嘅「小屁孩」，依家已經成熟，甚至係可以幫助後輩成長嘅大哥。
巴西被外界一致睇好嘅情況下，被克羅地亞踢出局，睇唔到尼馬同美斯嘅對決實在有啲可惜。四年後，美斯大概已退下火線，至於尼馬，亦有傳佢會退出國家隊，加埋C朗拿嘅出局，代表著一個時代嘅足球人物幾近落幕，大家且看且珍惜。