為悼念前領導人，央視播世盃期間突轉黑白畫面！網民：白衫交俾白衫！

前中國國家主席江澤民，11月30日因白血病併發多重器官功能衰竭，經搶救無效，於上海病逝，享耆壽96歲。中國官媒除咗發布「告全黨全軍全國各族人民書」同治喪委員名單，包括「央視新聞」、「新華社」、「環球時報」等官方網頁，都全部變黑白，甚至好多中國知名APP包括淘寶、小紅書等，亦都轉為黑白，藉此悼念呢位前國家領導人。

香港好多官方機構都將徽章或者網頁都轉成名黑白，當中包括天文台，有網民笑指，以為嚟緊日日落黑雨：

其實官方有悼念好正常，但估唔到央視連播世界盃嘅畫面都轉成黑白，被不少觀看賽事嘅網友怒轟「咁仲點睇？」、「都唔知道邊隊打邊隊！」，最後疑似因為網友太多負評，今日清晨《央視》已重新恢復彩色轉播，而其他直播平台亦好快將官網改返彩色介面。