比利時表現不對辦真相曝光：隊內充斥著心病 + 內訌 ＋ 暗鬥！

喺前兩輪世界盃結束後，比利時1勝1負排名小組第三，完全無踢出世界排名第2應有嘅水準。喺比利時隊內，如今氣氛非常壓抑。據比利時媒體《RTL Sport》報道指，夏薩特、迪布尼同維頓漢三人，更喺比賽完咗之後吵大鑊。


事件嘅起因暫時無被曝光，不過RTL指出，盧卡古做咗「和事老」勸架。據聞，喺比利時0-2輸俾摩洛哥後，夏薩特同維頓漢之間就曾隔空互懟。迪布尼更表示依家嘅比利時係「黃昏一代」。

除咗明爭，仲有暗鬥。由於古圖斯曾撬過迪布尼牆腳，佢兩個已經很好多年無講嘢。另外，存在位置競爭嘅巴舒亞爾同盧卡古兩人之間關系亦唔係好得去邊。夏薩特同杜沙特之間，亦互相漠視拒絕對話。而迪布尼最近更加係「犯眾憎」，之前更有短片流出，睇到一眾比利時球員訓練後會互相擁抱激勵，迪布尼係唯一無同隊友有互動嘅球員。

喺呢種情況下，比利時點會踢好，佢哋嘅出線前景實在係令人擔憂。
喺F組中，克羅地亞同摩洛哥同得4分，比利時3分，加拿大0分已提前出局。喺最後一輪比賽，摩洛哥對陣加拿大，而比利時就要對陣同組最強對手克羅地亞，而只有喺擊敗克羅地亞嘅情況下，比利時先能確保出線，你都咪話唔驚。