無球在腳都可以 fake 跌對手？一個鏡頭話你知麥巴比威脅有幾大！

法國昨晚以具說服力嘅表現，以2-1擊敗實力不弱嘅丹麥，當中皇牌麥巴比（Kylian Mbappé）就入兩球成為第一大功臣。今屆法國雖然有多名實力戰將因傷缺席世界盃，但無損佢哋強大嘅攻力，而法國陣中最具威脅嘅，一定係踢左翼嘅麥巴比。

麥巴比以速度聞名，當佢一起跑，基本場上無人可以追到佢，但你咪以為佢有球在腳先咁勁，昨晚佢被專人看守，即使無球在腳，對方都mark到佢實一實，其中有一幕更可以睇到佢對丹麥防線嘅威脅有幾大！

當時麥巴比無球在腳，佢嘗試想擺脫對手，於是一個假動作假裝向前沖，結果丹麥守將俾佢成個 fake 到跌低：



小編認為麥巴比嘅速度可以撕破世界盃任何一隊嘅防線，係法國打防反嘅利刀，雖然唔可以話麥巴比單天保至尊，但法國隊可以行到幾遠，就真係好睇麥巴比可以踢得幾好。