差點未出場就領紅！曼聯19歲新星美積比執波掟中倒地澳洲球員

年紀輕輕就可以參與世界盃絕對係人生一項成就，有人因此一炮而紅，例如當年嘅奧雲，或者近年嘅麥巴比，亦有人一樣會一炮而紅，不過就唔係因為球技，小編講緊嘅係突尼斯19歲新星，現時被曼聯外借至伯明翰嘅進攻中場漢尼巴美積比（Hannibal Mejbri）。

喺澳洲對突尼斯嘅小組賽上，有一幕澳洲球員杜基（Mitchell Duke）被犯規後倒地，喺場邊嘅突尼斯後備球員美積比攞起個波，隨手就掟入場內，點知咁啱得咁橋（定可能係瞄住？）就掟中正在訓喺地嘅杜基。呢一下當然令到杜基同其他澳洲球員好嬲，於是向球證投訴。美積比知自己闖禍，立即向杜基道歉，最後雙方握手言和。