係真唔係？網傳沙特獎勵球員每人一架$300萬勞斯萊斯

沙特阿拉伯擊敗大熱門阿根廷，暫時係今屆世界盃最大冷門，由於真係太熱血，沙特仲特登整日假出嚟慶祝，今日仲傳出，沙特王子會獎勵球員每人一架$300萬勞斯萊斯。

消息來源，沙特爆冷以2:1擊敗咗阿根廷振奮咗全國人民，於是沙特王儲將獎勵沙特球員每人一架勞斯萊斯幻影（Rolls Royce Phantom Series 2），單價折合300幾萬港幣。

沙特王子嘅財富相信無人會質疑，總共一億港幣都唔夠嘅獎勵，對沙特王子嚟講根本好似散紙咁，不過雖然係咁，但呢個消息嘅真確性真係存疑。
據小編了解，最早發佈呢個消息嘅係來自泰國嘅一名網友：


之後陸陸續續有其他比較出名嘅社交媒體轉載消息：


後來，網民就當咗呢個消息係真，但有人翻查主流媒體，包括沙特國內嘅媒體，都無講有關嘅事，只有社交媒體嘅消息源，因此，可以有肯定呢個係假消息。

不過，小編覺得沙特王子絕對做得出手，甚至睇完呢個消息之後真係送車都唔定，到時假消息成真，會唔會係咁？我哋拭目以待。