租借夏蘭特失敗後又一力作!英第7組別球會發聲明表示無意接觸C朗

球場新聞 於 23/11/2022 發表 收藏文章
世界盃係球星嘅舞台,但唔係所有當時得令嘅球星都可以企喺呢個舞台,原因係雖然自身實力足夠,但國家隊實力就麻麻,好似曼城嘅挪威球星夏蘭特咁,呢段時間就只能夠喺屋企睇波。

但勢估唔到日前英格蘭第7級別聯賽(英格蘭北部超級聯賽,Northern Premier League)嘅球隊艾殊頓聯(Ashton United)喺官方社交帳號發聲明,表示已正式向曼城報價,希望喺世界盃期間租借夏蘭特28日,既可以協助球隊,又可以幫到呢位神鋒保持狀態咁話。

loading

呢個交易最後當然不了了知,但呢間球會好識玩,喺噚晚全世界都關注緊阿根廷輸波,同埋C朗正式同曼聯終止合約,成為世界盃唯一自由身球員之後,艾殊頓聯又出手,不過佢哋今次唔係出手想買入C朗,而係發聲明表示無意接觸C朗:

loading

你話佢抽水又好,你話佢識玩又好,總之,佢成功吸引咗唔少球迷嘅眼球,認真厲害!
標籤: 夏蘭特  Ashton United  艾殊頓聯  C朗  

留言


請按此登錄後留言。未成為會員? 立即註冊
    快捷鍵:←
    快捷鍵:→