接應偶像傳送射入處子球！加拿祖入波慶祝要問准C朗？

歐霸賽事，曼聯憑住小將，只有18歲嘅阿根廷前鋒加拿祖（Alejandro Garnacho），喺第19分鐘接應C.朗拿度嘅傳送射入奠勝球，曼聯就係憑住呢球小勝皇馬蘇斯達。

呢球入波意義非凡，除咗係加拿祖喺曼聯嘅處子球，佢亦成為曼聯喺歐洲足球賽有史以來最年輕嘅非英籍球員，而更有意義嘅係，呢球處子球係加拿祖偶像C.朗助攻嘅！

就係因為咁有意義，所以入波後，加拿祖都想用一個好有意義嘅慶祝動作，於是就想問C.朗可唔可用佢最近嘅招牌慶祝，就係雙手放心口，然後眯眼祈禱。C.朗當然答應，仲好開心咁抱住佢個頭鼓勵佢：



賽後，加拿祖ig感謝偶像C.朗：

雖然呢球意義非凡，但一球唔能夠令曼聯放心，因為曼聯必須要贏主場嘅皇家蘇斯達兩球或以上，先可以直入歐霸16強。