一喊成名！38歲朝鮮中鋒鄭大世宣布退役

鄭大世，唔知大家仲記唔記得呢個名？呢位38歲嘅朝鮮中鋒正式宣佈退役。

隨著J2聯賽落幕，效力於町田澤維亞嘅朝鮮前鋒鄭大世正式宣佈退役。1984年出生於日本嘅鄭大世，職業生涯大多數時光都喺日本聯賽度過，J1聯賽總出戰181場射入65球；J2聯賽總出戰130次射入46球。

講起鄭大世，佢嘅身份都相當耐人尋味。佢擁有韓國同朝鮮雙重國籍，佢本來就喺日本出生同長大，生活喺韓國，而佢媽媽係在日朝鮮人。鄭大世2007年起代表朝鮮國家隊出場，2010年代表朝鮮出戰咗南非世界盃，當中最為人熟悉嘅一幕唔係入球，而係對陣巴西賽前奏國歌時熱淚盈眶，至今仍為人津津樂道。

南非世界盃之後，鄭大世一度加盟過德乙嘅波琴，代表球隊出戰過43場，射入15球。後來佢仲曾加盟科隆，喺德甲出場過5場，可惜並無入球。

2022賽季J2聯賽，鄭大世出戰34場射入6球。
可能大家以為朝鮮球員應該好苦悶，其實 日常生活中嘅鄭大世好活潑熱情，喺社交媒體上亦好以一般球星咁活躍，佢仲曾經多次出現喺綜藝節目。2013年，佢同空姐妻子成婚，現時育有一仔一女，生活美滿。