只要你唔尷尬！安東尼突然施展720度自轉，然後交個波出底線！

近年有句說話好興：只要你唔尷尬，尷尬嘅就係人哋。估唔到呢句說話今日可以應用喺歐洲嘅賽場上，而主角係今季加盟曼聯嘅安東尼（Antony）。

巴西球員向來都有出色嘅腳下功夫，今季以8600萬英鎊由阿積士加盟曼聯嘅安東安都唔例外，而佢嘅絕活就係被命名為 "Antony Spin" 嘅自轉：


不過呢招華而不實，表演下無所謂，真正場上有冇作用呢就暫時未見到，但安東尼一於少理，昨晚喺歐霸場上佢就毫不吝嗇表現呢招。當比賽仲係0:0嘅時候，安東尼喺右路接到波，然後佢就開始表演，仲要轉足720度，本身無端端喺度自轉已經好尷尬，但更尷尬嘅係佢之後交個波出底線！



結果睇到主帥坦赫擰晒頭無眼睇：


連曼聯名宿史高斯都知佢做咩：

睇嚟安東尼可能要俾坦赫雪下，冷靜諗下自己喺度做緊咩。