0角度入波！隱居比甲的前曼聯中場香川真司，角球直接得分！

10月15日嘅比利時甲組足球聯賽，日資球隊聖圖爾登主場以2:1擊敗皇家查內爾體育會，33歲嘅曼聯舊將香川真司以一記角球直接破門，而另一位英超舊將，同是日本球員嘅岡崎慎司亦貢獻一球助攻。

香川真司有兩座德甲冠軍同一座英超冠軍，不過30歲之後便遠離咗歐洲五大聯賽，今年1月自由身轉會比甲聖圖爾登。