哥迪奧拿：「我對夏蘭特好失望！知點解40萬人聯署搞唔成啦！」

英超賽事，曼城斬瓜切菜式，輕輕鬆鬆就贏咗修咸頓4-0。曼城本身實力已經係英超頂尖中嘅頂尖，今季仲加埋一個唔係地球人嘅夏蘭特，英超可謂幾無對手，即使呢個挪威入球機器今場「只」係入得一球，曼城已可輕取對手4-0，不過賽後，曼城主帥哥迪奧拿似乎對夏蘭特有啲「不滿」。

哥迪奧拿話：「我對佢（夏蘭特）好失望，呢場波佢無入3球！呢個亦都係點解請願將佢從英超除名呢件事未能成真嘅原因。」




日前，網上流傳的一份將夏蘭特從英超除名嘅請願書喺英國政府網站，更有已經超過40萬人簽名，而除名嘅原因喺佢哋認為夏蘭特喺機械人，不過有球迷話上網根本搵唔到呢份請願書，認為係惡搞居多，然而咁亦曲線證明咗夏蘭特嘅實力同狀態有幾咁誇張。