當年歐聯決賽後腳摧毀拜仁，35年後兒子重演老父經典入球！

1987年歐聯決賽，可能呢度好多球迷都未出世，就算出咗世都未必有印象。當年波圖憑住阿爾及利亞傳奇球星 Rabah Madjer 嘅後腳入球，以2-1逆轉德甲嘅拜仁慕尼黑奪標，呢一次亦係波圖隊史首次奪得歐聯冠軍，全年表現出色，而且射入致勝球嘅 Rabah Madjer 也順理成章斬獲咗當年嘅非洲足球先生。


以上呢個入波成為歐聯史上其中一球金球，然而估唔到嘅係，35年後，Rabah Madjer 嘅仔 Lotfi Madjer 竟然喺一場比賽中重演咗佢老父嘅呢一個經典入球。

喺卡塔爾星盃（Qatari Stars Cup）嘅一場比賽中，艾杜哈尼體育會對陣艾馬希亞體育會， 年僅20歲嘅 Lotfi Madjer 喺禁區內接到隊友傳球後，用後腳將個波送入網，重演咗佢老父35年前嘅經典一幕。此役 Lotfi Madjer 仲送出2次助攻，協助艾杜哈尼體育會以8-3大勝對手。