亞洲最強中堅顯身價！96分鐘超強悍解圍連馬甸尼都嚇親

曾效力中超嘅北京國安，現年25歲嘅南韓中堅金玟哉，今夏以1950萬歐元加盟意甲嘅拿坡里，簽約3年，成為第3名出戰意甲嘅韓國兵。

金玟哉喺拿坡里表現可圈可點，成為球隊後防線上一個舉足輕重嘅人物，喺最近一場對戰AC米蘭嘅大戰，呢位南韓中堅大顯身價，喺96分鐘力壓對手，用左腳解圍一幕更加睇到米蘭名宿馬甸尼都目定口呆：




最終就係金玟哉呢一腳踢沉米蘭追和嘅機會，助拿坡里輕勝對手2:1。

金玟哉除咗有實力之外，仲好識融入球隊。話說佢初來報到嘅時候，拿玻里為金玟哉舉行歡迎宴，呢名韓國國腳就大展歌喉，唱出全球流行的《江南Style》，佢一邊拿住電話「睇貓紙」，一邊唱歌，仲跳埋騎馬舞，正所謂你唔怕尷尬，尷尬嘅就係人哋，金玟哉完全投入演唱，拿坡里隊友亦俾足反應，一片樂也融融。