紅魔三杉淳！艾歷臣重回巔峰表現，球迷讚媲美史高斯！

坦赫帶領曼聯用一場3-1嘅勝利，彷彿向紅魔球迷宣告，你哋等到啱嘅人啦！附咗領隊坦赫，喺呢個四連勝嘅過程中，大病歸來嘅前熱刺中場艾歷臣（Christian Eriksen）亦係絕對功臣，更有曼聯球迷大讚佢媲美曼聯名宿史高斯！

呢位30歲嘅丹麥中場，今夏以自由身加盟曼聯，喺主帥坦赫陣中表現可圈可點，成為隊內最穩定嘅球員。除咗進攻出色之外，佢嘅防守亦非常積極，好難相信佢之前仲係差啲因心臟病而猝死球場嘅球員。

今場波，艾歷臣策劃咗第一球安東尼（Antony）嘅入球，而且更直接助攻拉舒福特，助曼聯拉開比分。
艾歷臣精華：https://twitter.com/midfieldxr/status/1566505223102730240

以下係曼聯球迷對艾歷臣嘅評價：

「唔係最耀眼，但就係最重要嘅球員。」
「估唔到仲可以見證另一個史高斯出現。」
「絕對精彩嘅表現，佢係曼聯幾年嚟最缺少嘅嘢。」
「兩個入球都來自艾歷臣，睇嚟好似好易，其實好難，係技術同意識嘅結合。」



艾歷臣今場波嘅表現可以話係大師級：

艾歷臣更自爆，坦赫之前嘅曼聯三任主帥（雲高爾，摩連奴同蘇斯克查）都邀請過佢嚟踢，但當然喺熱刺仲想做多啲，所以拒絕過曼聯三次。