神級戰術再下一城！北愛球隊成功複製hit爆戰術，而且係9秒倒掛入波！

最新足球界有個戰術非常火紅，就係喺中場開賽以一個簡單配合，再嚟一個精妙長傳撕破對方防線，殺對手一個措手不及。呢個戰術經PSG三子加持後（8秒入波！尼馬 —>美斯 —＞麥巴比，創法甲最快入球紀錄！ ）更加hit爆球壇，就連英超嘅曼聯都要湊下熱鬧，可惜似乎無乜默契：東施效顰？曼聯想複製PSG開賽8秒入波，可惜沒有「麥美尼」！

不過曼聯做唔到唔代表呢個戰術失效嘅，最近又有一隊北愛球隊成功複製呢個神級戰術，而且比PSG三子嘅入波更早。8月20日北愛爾蘭超級聯賽第二輪，基福維利（（Cliftonville Football & Athletic Club (the Reds) ））主場3：2擊敗卡域克流浪（Carrick Rangers Football Club）嘅比賽中，前者就開場9秒首開記錄，而且仲係一個倒鉤入波！