有心病?太自私?科頓拒傳給空位夏蘭特,遭網民狠批!

球場新聞 於 22/08/2022 發表 收藏文章
曼城今季羅致到神鋒夏蘭特(Erling Haaland),令到前線攻力更多元化。呢位高大中鋒除咗個人能力厲害之外,佢嘅牽制力亦十分強,可以幫助隊友創造機會,因此今季曼城依然被看高一線。

可惜今場波對住紐卡素,喺領先情況下只能逼和後者,令球迷大跌眼鏡,而遭球迷狠批嘅其中一個戰犯就係科頓(Phil Foden)。球迷指呢位上位新星獨食,唔傳俾有更好射門機會嘅夏蘭特,我哋一齊睇睇係唔係咁先。

被指責嘅就係以下呢一球,當時曼城領先1-0,呢球科頓殺入禁區,被對方守衛力壓,射門角度非常窄,而佢右手邊就有跑到個靚位嘅夏蘭特等緊接應,可是最後科頓選擇喺力壓下起腳,結果被擋出:

loading


影片:https://www.youtube.com/watch?v=FYGbZTSjTss

呢球應唔應該起腳,從馬後炮嚟講當然唔應該,不過信心呢樣嘢,有時嚟到真係會選擇自己去,但球迷指出,科頓已經唔係第一次拒傳俾空位嘅夏蘭特,有圖有真相:
loading


平心而論,筆者覺得上圖嘅左邊嗰球實屬情有可原,因為當時單刀機會下而又只係開賽階段,想自己建功亦算合理,但好多外國球迷似乎唔係咁睇。

正所謂「贏波可以解決好多問題」,呢場和波,球迷就放大科頓嘅自私行為,對佢駡聲四起:

loading

loading
loading

loading
loading

loading
loading

loading

的確,曼城嚟咗個神鋒,對正在上位嘅科頓嚟講絕對係一個威脅,但如果佢真係有心唔傳俾夏蘭特,導致球隊出問題,我諗哥迪奧拿對佢嘅耐性都會有限,筆者真心希望佢有更好嘅大局觀,以免因妒嫉而退步。
標籤: 科頓  夏蘭特  Erling Haaland  Phil Foden  

留言


請按此登錄後留言。未成為會員? 立即註冊
    快捷鍵:←
    快捷鍵:→